वैखरी अनलाइन संवाददाता
हरिहर माविको जग्गा संरक्षणका लागी भन्दै कपिलवस्तुमा छानविन समिति बनेको छ । अर्घाखाँची जिल्लाको पाणिनि गाउँपालिकामा रहेको ऐतिहासिक हरिहर उच्च माध्यमिक विद्यालयको जग्गालाई कपिलवस्तुको बैरियामा रहेको जग्गा साटफेर गर्ने चलखेल चलिरहेको भित्री रहस्य खुलासा भएपछि कपिलवस्तुमा यस्तो समिति गठन भएको हो । हरिहर उच्च माध्यमिक विद्यालयको कम्पाउण्डसँग जोडिएको जग्गालाई कपिलवस्तुमा रहेको ३२ बिघा १८ रोपनी १७ धुर जग्गासँग साटफेर गरेर करोडौँ रुपैयाँ झ्वाम पार्ने चलखेल भईरहेको खुलेपछि छानविन समिति गठन भएको हो ।
समितिले कुनै पनि हालतमा जग्गा साटफेर गरी कमाउने उदेश्य राखेका मानिसलाई सफल हुन नदिने बताउदै १०१ सदस्य समिति गठन भएको छ । यस बिषयमा सत्यतथ्य छानविन गरि बाहिर ल्याउने र कुनै पनि हालतमा जग्गा किनबेच तथा साटफेर गर्न नदिइने समितिका संयोजक युवा समाजसेवि नेत्र बञ्जाडेले बताए । समितिमा राम प्रसाद घिमिरे, मधु शर्मा ९८ जना सदस्यरहेका छन ।
