सभामुख पदबाट कृष्णबहादुर महराले राजीनामा दिनुभएको छ । उपसभामुख डा। शिवमाया तुम्बाहाम्फेसमक्ष मंगलबार महराले राजीनामा दिनुभएको हो ।
संसद सचिवालयमा काम गर्ने कर्मचारी रोशनी शाहीले जबर्जस्ती करणीको आरोप लगाएपछि सभामुख महरा नैतिकताको आधारमा राजीनामा दिन बाध्य हुनुभएको हो ।
राजीनामा दिएपछि विज्ञप्ति जारी गर्दै उहाँले छानबिन प्रक्रिया नसकिएसम्मका लागि राजीनामा दिएको उल्लेख गर्नुभएको छ ।
