गायक उदित नारायण झाले नेपाल भाषामा गीत गाएका छन्। हिन्दी, नेपाली र भोजपुरी गीतमा स्वर दिइसकेका उनले अब नेपाल (नेवार) भाषाको गीत पनि गाएका हुन्। ‘छंगु जिगु माया रतन’ नामक नेपाल भाषाकै सिनेमाको गीतमा उनी र उनकी श्रीमती तथा गायिका दीपा झाले पनि स्वर दिएकी छन्।
नील शाक्यको संगीतमा भूपेन्द्र बज्राचार्यले यसमा संगीत संयोजन गरेका हुन्।
त्यस्तै फिल्मका निर्देशक तथा गीतका रचनाकार सुरेन्द्र तुलाधर हुन्। उक्त गीतलाई त्यस फिल्ममा र दीपा महर्जनको ‘सरप्राइज’ एल्बममा पनि राखिने शाक्यले बताए।
https://www.setopati.com/ghumphir/ghumphir-experience/190716
उदित नारायणले यसअघि नै ३५ भाषामा गीत गाइसकेका छन्। यो उनको ३६औं भाषामा गीत रेकर्डिङ भएको हो। झाले गीत रेकर्डिङका क्रममा गाइरहेको भिडिओ पनि सार्वजनिक गरिएको छ।
भिडिओमा उदितले नेवार भाषामा गाइरहेका देखिन्छन्। उनलाई गाउन कठीन हुने सोचे पनि सरल रुपमै गाएको नील शाक्यले बताए।
