राष्ट्रिय खेलका रुपमा विकास भएको भलिबल खेललाई नव प्रभात युवा क्लव ठाकुरापुरले शुभ दिपावली २०७६ को अबसरमा खुल्ला नकआउट भलिबल प्रतियोगिता आयोजना गर्ने भएको छ । युवाहरुलाई खेलका माध्यमबाट भाईचराको सम्बन्ध स्थापना गर्न , भलिबल खेललाई जागरुप गराउने पनि प्रतियोगिता आयोजना गरेको क्लवका अध्यक्ष मिलन चालिसेले बताउनु भएको छ ।
कार्तिक २१ गते देखी वाणगंगा माध्यमिक विद्यालयको खेल मैदानमा सञ्चालन हुने प्रतियोगिताको आकर्षणका रुपमा खसी रहने क्लवले जनाएको छ । प्रतियोगिताको प्रथम पुरस्कार ५० हजार र खसी रहने छ भने द्धितिय पुरस्कार ३५ हजार , तृतिय पुरस्कार २० हजार र सान्त्वना पुरस्कार ५ हजार रहने संस्थाका सचिव गोविन्द राज पौडेलले जानकारी दिनुभएको छ ।
प्रतियोगितामा सहभागि हुने समुहले कार्तिक १९ गते सम्ममा आफ्नो समुह दर्ता गर्नु पर्ने क्लवले जनाएको छ ।
