वांणगंगा नगरपालिका चार नम्वर जीतपुरमा विगत केही हप्ता देखी वेवारीसे अवस्थामा रहेकी एक महिलाको उद्धार गरीएको छ । मानव सेवा आश्रम बुटवलले उक्त वेवारीसे अवस्थामा रहेकी महिलाको उद्धार गरेको हो । महिलालाई स्थानीय बासिन्दाले केही दिनदेखी खाना दिदै आएको र कहिलेकाही भोकै सुत्ने गरेको स्थानीय बासिन्दाले बताएका थिए ।
नेपाली काग्रेसका केन्द्रिय सदस्य तथा प्रतिनिधि सभा सदस्य अत्तहर कमाल मुसलवान, बरिष्ठ समाजसेवि दिनकला सुवेदी कमाल, तिलक थापा, ईलाका प्रहरी कार्यालय पिपरा, पत्रकार अशोक पौडेल साथै स्थानियको रोहबरमा उनलाई उद्धार गरिएको हो ।
महिलाको केही हदसम्म मानसिक सन्तुलन हराएको भए पनि शारीरिक तवरले पूर्णरुपमा ठिकठाक भएको स्थानियले बताएका थिए । रातिको जाडोलाई छलेर खुला आकाशमा बस्नु कुनै पनि दृष्टिकोणले उपयुक्त नभएको भन्दै जीतपुरवासीले मानव अघिकार आयोग बुटवललाई खबर गरेका थिए । आइतबार रातिको करीब साडे दश बजेको समयमा महिलालाई मानव अघिकार आयोग बुटवल लगिएको इलाका प्रहरी कार्यलय पिपराले जनाएको छ ।
