सैनामैना १ बनकट्टा स्थित अभियान बाल गृहमा रहेका बालबालिकाहरुलाई जुत्ता हस्तान्तरण गरिएको छ । सैनामैना ४ मुर्गिया स्थित मिलिजुली देउसी भैलो समुहको आयोजनामा जुत्ता वितरण गर्नुका साथै उनीहरुलाई एक छाक खाना समेत खुवाईएको हो ।
मिलिजुली देउसी भैलो समुहले देउसी भैलो खेलर उठेको रकम मध्ये केही रकम छुट्याएर बाल गृहमा जुत्ता वितरण गर्नुका साथै एक छाक खाना समेत खुवाईएको समुहकी अध्यक्ष कल्पना कार्कीले जानकारी दिईन । सो अवसरमा बोल्दै बाल गृहका संरक्षक तिलक शाहीले अभियानलाई संचालन गर्नका लागि सबैको सहयोगको खाँचो रहने बताए ।
कार्यक्रम समुहकी अध्यक्ष कल्पना कार्कीको अध्यक्षता तथा फट्कि केसीको संचालनमा सम्पन्न भएको हो ।
