सुशिल गैरे
हत्याको दोषीलाई कार्वाहीको माग गर्दै कपिलवस्तु गोरुसिङ्गेका स्थानीयले पुर्व पश्चिम राजमार्ग मंगलबार २ घण्टा अवरुद्ध गरेका छन ।
गत मंसिर १३ कपिलवस्तु जिल्लाको बुद्धभूमि नगरपालिका वडा नं. २ गोरुसिङ्गेका धनराज पौडेलको विभत्स हत्या भएको थियो । पौडेल आफ्नै घरको कोठामा विभत्स तरिकाले हत्या गरिएको अवस्थामा फेला परेका थिए ।
हत्या भएको पाच दिन सम्म पनि दोषीपत्ता लगाउन नसकेको भन्दै स्थानीयले पुर्व पश्चिम राजमार्ग दुई घण्टा अवरुद्ध गर्नुका साथै ईलाका प्रहरी कार्यलय गोरुसिङ्गे घेराउ गरेका हुन ।
ईलाका प्रहरी कार्यलय गोरुसिङ्गेले हत्यामा अरु पनि संलग्न भएको हुन सक्ने भन्दै घटनाको अनुुसन्धान भईरहेको जानकारी दिदै घटनाको दोषीले कुनै पनि हालतमा छुट नपाउने बताएको छ ।
उनी मंसिर १३ गतेदेखि हराएका थिए । उनी हराएको भन्ने सुचनाको आधारमा प्रहरीले खोजविन गर्दा कोठामा मृत अवस्थामा फेला परेका थिए ।
