नेपाली काङ्ग्रेसका केन्द्रिय सदस्य एवम् प्रतिनिधि सभा सदस्य सांसद अतहर कमाल मुसलमानले शिक्षक सबैको अभिभावक भएको बताएका छन । ग्रामीण क्षेत्रमा शिक्षक बिद्यार्थीको मात्र अभिभावक नभएर सीमान्तकृत र पछाडि परेको समुदाय र वर्गको समेत अभिभावक भएको उनको भनाई छ ।
राम्रो युगको शुरूवात गर्न शिक्षकहरूको महत्वपूर्ण भुमिका हुने हुँदा शिक्षकहरूले बालबालिकाको समुज्वल भबिस्य निर्माण र असल समाज निर्माणका लागि अझ धेरै मिहेनत गर्नु पर्ने धारणा व्याक्त गरेका थिए ।
नेपाल बिद्यार्थी संघ श्री मा.वि बाणगंगा ५ झण्डा कपिलवस्तुका निवर्तमान सभापति स्व. सरोज खनालको दोस्रो स्मृति सभा एवम् छात्रवृत्ति वितरण कार्यक्रममा उनले यस्तो धारणा व्यक्त गरेका हुन । नेविसंघ क्षेत्र नम्बर १ कपिलवस्तु द्वारा स्व. सरोज खनालको नाममा स्थापित अक्षयकोष मार्फत श्री माध्यमिक विद्यालयका सात जना विद्यार्थीहरु लाई छात्रवृति प्रदान गरिएको थियो ।
