मंसिर १९ गते अर्थात विहीवार देखि सुरु हुन लागेको एघारौं कपिलवस्तु महोत्सवमा नेपाल टेलिकमले निशुल्क सिम वितरण गर्ने भएको छ । युवा क्षमतामा अभिवृद्धि कृषि र पर्यटनमा संमृद्धि भन्ने मुल नाराका साथ आयोजित एघारौं कपिलवस्तु महोत्सवमा विगत भन्दा फरक पन दिनका लागि टेलिकमले आयोजक संगको समन्वयमा सिमकार्ड वितरण गर्न लागेको हो ।
सिम लिन आउदाँ एकप्रति नागरिकताको फोटो कपि र पासपोर्ट साईजको फोटो लिएर आउन आग्रह गरिएको छ । बाणगंगा स्पोटस एण्ड वेलफेयर सोसाईटिले बुद्ध रंगशालामा आयोजना गरेको यस बर्षको महोत्सवले बालबालिका,युवा युवति ,वृद्ध वृद्धा हरुलाई फरकपन दिने आयोजकले दावि गरेको छ ।
जेष्ठ नागरिकको परिचय पत्र साथमा लिएर मेला अवलोकन गर्न आएमा त्यस्ता जेष्ठ नागरिक लाई आयोजकले निशुल्क अवलोकनको व्यवस्था मिलाईएको संयोजक राजकुमार खाँणले जानाकारि दिए । साथै महोत्सवको पहिलो दिन अवलोकन गर्न आउने सबै अवलोकन कर्तालाई आयोजकले डाबरको लिची जुस वितरण गर्ने भएको छ ।
