गृहपृष्ठ Featured ईटा उद्योगहरुलाई बालश्रम रहित उद्योगको रुपमा विकास गर्नुपर्ने अहिलेको आवश्यकता

ईटा उद्योगहरुलाई बालश्रम रहित उद्योगको रुपमा विकास गर्नुपर्ने अहिलेको आवश्यकता

प्रकाशित मिति:

ईटा उद्योगहरुलाई बालश्रम रहित ईटा उद्योगको रुपमा विकास गर्नुपर्ने अहिलेको आवश्यकता भएको सरोकारवालाले बताएका छन् । बेटर ब्रिक नेपाल परियोजनाले रुपन्देहीमा आयोजना गरेको पत्रकार सम्मेलनमा श्रमिक मैत्री ईटा उद्योग प्रवर्धनमा सचेतना अभिवृद्धि गरेर दिगो विकासमा जोड दिनुपर्ने आवश्यकता भएको बताइएको छ । 

ग्लोबल फेयरनेश इनिसिएटिभको सहयोग, नेपाल गुडविभ फाउण्डेशन र घरघरमा शिक्षा तथा आत्मनिर्भर विकास संस्था नेपाल, उद्योगी व्यवसायीको संयुक्त साझेदारीमा संचालित परियोजना अन्तरगत ईटा उद्योगलाई बालश्रम रहित उद्योग बनाउन सफल भएको बताइएको छ । प्रदेश नं.५ को कपिलवस्तु, रुपन्देही र नवलपरासी जिल्ला कार्यक्षेत्र रहेको परियोजनाले १८ वटा इटा उद्योगमा काम गर्दछ । ती इटा उद्योगमा परियोजनाले कामदारको हक अधिकार सुनिश्चित गर्न स्थानीय सरकार तथा उद्योग व्यवसायीसंग समन्वय गरेर बालश्रम रहित ईटा उद्योगको रुपमा रुपान्तरण गर्ने अभियान संचालन गरेको । जस अन्तरगत ३ जिल्लाका १२ ईटा उद्योग बालमैत्री तथा ५ ईटा उद्योग श्रमिकमैत्री ईटा उद्योगको मापदण्ड पुरा गरेर बालअधिकार सुनिश्चित गरेको बताइएको छ ।

कार्यक्रममा जिएफआईका राष्ट्रिय निर्देशक सुरेश पण्डितले श्रमिकमैत्री ईटा उद्योगको प्रवर्धनका लागि पत्रकारहरुले उपभोक्तालाई सचेत गराउनुपर्ने बताए । उनले नेपालको निर्माण क्षेत्रमा महत्वपूर्ण हिस्सा ओगटेको ईट्टा उद्योगहरुको उत्पादन, बालश्रम मुक्त तथा श्रमिक मैत्री ईटा उद्योगको बजारीकरणमा आम उपभोक्ता चनाखो हुनुपर्ने समय आएको बताए । श्रममैत्री सामाग्रीहरु उत्पादन गर्ने ईट्टा उद्योगलाई प्रोत्साहन गर्दै तीनै तहका सकारले प्रवर्धन गर्दै बजारीकरण र प्रचार प्रसारको सवैको सहयोग आवश्यक भएको पण्डितले बताए । कार्यक्रम संयोजक दुर्गा अर्यालले परियोजनाको उपलब्धी बताउदै उपभोक्ता चनाखो र उद्योगी व्यवसायीको उत्तरदायित्वले मात्र समृद्ध समाज र दिगो विकास हुने बताए ।

पत्रकार सम्मेलन कार्यक्रम जिएफआईका राष्ट्रिय निर्देशक सुरेश पण्डितको अध्यक्षता, घर घरमा शिक्षा तथा आत्मनिर्भरविकास संस्था नेपालका अध्यक्ष थानकला पौडेलको स्वागत र संस्थाका कम्पलयन्स अपिसर रोमलाल खनालको संचालनमा सम्पन्न भएको थियो ।

सम्बन्धित् समाचार