बाणगंगा नगरपालिका २, कप्टैयाकी २१ वर्षीय रुपा सिंजालीको अर्थ अभावमा मिर्गाैला प्रत्यारोपण गर्नमा समस्या परेको छ । सिंजालीका दुवै मिर्गाैला खराब भएका छन् । उहाँका बुवा झविलाल सिंजालीले छोरीलाई मिर्गौला दिन परीक्षण समेत गरी सक्नु भएको छ तर प्रत्यारोपणका रकम अभाव नै तगारो बनेको छ । मानव अङ्ग प्रत्यापरोण गर्नका लागि करिब १५ लाख चाहिने भए पनि आफूसँग त्यति धेरै रुपैयाँ नभएकोले विभिन्न संघसंस्था, विद्यालय, क्लब, समाजसेवी, अधिकारकर्मी, पत्रकारसँग सहयोगको लागि आग्रह गरेको सिंजालीले बताउनुभयो । करिब १० महिनादेखि बिरामी रहनुभएका सिंजाली उपचार ऋण सापट लिएर भइरहेको छ । अहिले उपचार गराइरहनु भएकी सिंजालीको दुई वटै मिर्गौला खराब भएकाले प्रत्यारोपण गराउनुपर्ने चिकित्सकले बताएकोले रकम संकलनका लागि परेको सिंजालीका बुवाले बताउनुभयो । अहिले मृगौला रोगी सिंजालीको डाइलोसिस भईरहेको छ ।
यसैबीच सिंजालीको अपिलसँगै पारिजात इंगलिस बोर्डिग स्कुलले सिंजालीलाई सहयोग गरेसँगै बाणगंगा १, कपिलवस्तु स्थित आवर विज्जडम इंगलिस बोर्डिग स्कुल, बैरियाले पनि सिंजाली परिवारलाई सहयोग गरेको छ । विद्यार्थी, शिक्षक र विद्यालयबाट रकम संकलन गरी २५ हजार ५ रुपैयाँ सहयोग गरेको विद्यालयका प्राचार्य नारायण शर्मा न्यौपानेले बताउनुभयो । न्यौपानले सिंजाली परिवारलाई मृगौला प्रत्यारोपणका लागि केही राहत पुगोस् भन्ने उद्देश्यले सहयोग गरेको बताउनुभयो ।
मानवीय कार्य मृगौला प्रत्यारोपणका लागि सहयोग गर्दा पुन्य मिल्ने विद्यालय व्यवस्थापन समितिका अध्यक्ष उमनाथ पौडेलले बताउनुभयो । कपिलवस्तु उद्योग वाणिज्य संघका अध्यक्ष समेत रहनु भएका पौडेलले सेवा नै धर्म भएको र मृगौला रोगीहरुलाई सहयोग गर्दा धर्म सेवा गरे बराबर पुन्य मिल्ने हुँदा सबै व्यवसायीहरुले गम्भीर प्रकृतिका रोगीलाई सहयोग गर्न आग्रह गर्नुभयो । विद्यालयले गरेको सहयोग रकम सिंजालीका बुवा झविलाल सिंजालीलाई हस्तान्तरण गरिएको हो । आर्थिक अभावमा मृगौलाको उपचार गर्न समस्या भएपछि सिंजाली परिवारको आग्रहमा सहयोग गरिएको विद्यालयले जनाएको छ । सिंजालीलाई सहयोग गर्न ग्लोबल आई.एम.ई.को मृगौला रोगीका बुवा झविलाल सिंजालीको खाता नं. ०७५१०४०४८५४९०१ मा रकम जम्मा गरिदिन सकिने सिंजाली परिवारले जनाएको छ ।
