गृहपृष्ठ Featured वाणगंगामा फागुन २८ देखि दादुरा रुबेला खोप अभियान संचालन हुँदै

वाणगंगामा फागुन २८ देखि दादुरा रुबेला खोप अभियान संचालन हुँदै

प्रकाशित मिति:

वाणगंगा नगरपालिकामा दादुरा रुबेला खोप अभियान सम्वन्धी नगर स्तरीय अभिमुखीकरण कार्यक्रम सम्पन्न भएको छ । कार्यक्रम वाणगंगा नगरपालिका नगर कार्यपालिकाको आयोजनामा दरखास्त ४ माछापुच्छे होटलमा सम्पन्न भएको हो ।
दादुरा रुवेला जस्ता रेगहरु धेरै छिटो सर्ने र अति संक्रमित हुने हुनाले विशेष गरी ५ वर्ष उमेर सम्मका वालवालिकाहरुलाई धेरै छिटो संक्रमण गर्ने हुनाले यसबाट सचेत गराउनको लागि अभिमुखीकरण कार्यक्रमको आयोजना गरिएको आयोजकले जनाएको छ । कार्यक्रममा स्वास्थ्य कार्यालय रुपन्देहीका खोप अधिकृत भेषराज शर्माले रोग र खोपको बारेमा सहजीकरण गरेका थिए ।

सन् २०२३ सम्म निर्मुल पार्ने उद्देश्यका साथ यो अभियान सञ्चालन गरिएको हो । यस कार्यक्रममा वाणगंगा नगरपािलकामा ९ महिना देखि ५ वर्ष सम्मका वालवालिकाहरुलाई यही फागुन २८ गते देखि दादुरा रुवेला खोप अभियान संचालन हुँदै छ । नेपालको सन्र्दभमा ७३ प्रतिशत वालवालिकाहरुले दादुरा रुवेला खोप लगाउन सफल भएका छन । दादुरा रुवेला खोप लगाउन छुटेका २७ प्रतिशत वालवालिकाहरु लाई समेट्नका लागि यसरि खोप अभियान संचालन गर्नु परेको हो । यस रोगबाट विश्वमा दादुरा मृत्युदरमा ८४ प्रसितशतले घटेको बताइएको छ ।

कार्यक्रममा बोल्दै नगर प्रमुख मंगलप्रसाद थारुले यो रोग वालवालिकाहरुलाई धेरै छिटो सर्ने हुनाले यसबाट सचेत गराउनका लागि सबैको दायित्व रहेको बताए । उहाँले यस रोगबाट सबैलाई सचेत पार्न आफू लागि पर्ने प्रतिवद्धता जनाएका छन् ।
यस्तै नगर उपप्रमुख चक्र अर्यालले वाणगंगा नगरपालिकामा आफूले सके सम्म शत प्रतिशत रोग निर्मूल पार्न सहयोग गर्ने प्रतिवद्धता जनाए ।

कार्यक्रममा वाणगंगा नगरपालिकाका नगर प्रमुख मंगलप्रसाद थारुको अध्यक्षता, उप प्रमुख चक्र अर्यालको विशिष्ठ आतिथ्यता रहेको थियो । यस्तै बाबुराम भट्टराई, ठगराज पौडेल वडाका प्रतिनिधि, पत्रकार लगायको आतिथ्यता रहेको थियो । कार्यक्रममा बाणगंगा नगरपालिका स्वास्थ्य साखा प्रमुख ठगराज पौडेलको स्वागत तथा स्वास्थ्य अधिकृत भक्ति पाण्डेको संचालनमा सम्पन्न भएको थियो ।

सम्बन्धित् समाचार