प्रधानमन्त्री केपी शर्मा ओलीको स्वास्थ्यलाभको कामना गर्दै कपिलवस्तु लगायत देशभर द्वीप प्रज्वलन गरिएको छ । सोही क्रममा प्रधानमन्त्री ओलीको मृगौला प्रत्यारोपण सफल भएको खुशियालीमा जिल्लाको बुद्धभुमी नगरपालिका ४, बुड्ढि(हनुमान चोक) मा द्वीप प्रज्वलन गरिएको छ । बुद्धभुमी नगरपालिका वडा नं ३ का वडा अध्यक्ष बिकास आचार्यको अगुवाईमा बुधबार साँझ द्वीप प्रज्वलन तथा शुभकामना आदानप्रदान गरिएको हो ।
काठमाडौं महाराजगन्जस्थित मनमोहन कार्डियो थोराक्सिस भास्कुलर ट्रान्सप्लान्ट सेन्टरमा दोस्रो पटक आफ्नो मृगौला प्रत्यारोपणका निमित्त उपचाररत प्रधानमन्त्री केपी शर्मा ओलीको स्वास्थ्यलाभको कामना गर्दै द्वीप प्रज्वलन गरिएको वडा अध्यक्ष विकास आचार्यले बताउनु भयो । द्वीप प्रज्वलन कार्यक्रममा स्थानीय सय बढी नागरिकहरु स्वतःस्फुर्त रुपमा सहभागी भएका थिए ।
