कपिलवस्तुमा अवैध रुपमा माछाका भुरा व्यापार गर्दै आएका भारतीय समुहले दादागिरी गर्दै आएको छ । आफ्नो पसल दर्ता विनानै १७ बर्ष सम्म यसरी संचालित रहेको बताउने भुरा माछा पसलका संचालक रतन चौधरीले जतिनै समाचारहरु प्रकासित भएपनि आफुहरु लाई केहि असर नपर्ने बताए ।
यसरि हेर्दा अवैध माछाका भुरा व्यापारमा कतै स्थानिय सरकारको आडमा संचालित होकि भन्ने स्थानिय व्यापारिहरुमा प्रश्न खडा भएको छ । जिल्लामा बर्षाै देखि अवैध रुपमा संचालित माछाका भुरा व्यापार मौलाउँदै जादाँ स्थानीय सरकार र उधोग बाणिज्य संघले समेत यति लामो समय सम्म वास्ता नगर्दा विविध खालका प्रश्न उठ्न लागेका हुन ।
यस्ता व्यापारिले गर्दा बाणगंगा लगायत जिल्लाका अन्य स्थानीय व्यापारिहरु ठुलो मर्कामा परेका छन् । देशमै केहि गरौँ भने पनि देशको यस्तो अवस्था हेर्दा युवाहरुले लगानि लगाउन सक्ने स्थिति देखिँदैन । स्थानीय सरकारले स्थानिय व्यापारिहरु माथि जति निगरानि र आर्दशका कुराहरु गर्छन त्यति अवैधरुपमा संचालित भारतीय व्यापारीहरुलाई किन गर्दैनन् भन्ने प्रश्न अर्कातिर उठेको छ । जिल्लाको बाणगंगा लगायतका विभिन्न क्षेत्रमा भारतबाट आएको समुहले मांगुर माछाका भुराहरु व्यापार गर्दै आएका छन् । कपिलवस्तु लगायत २०० जति स्थानमा यसरी भुरा माछाका व्यापारीहरु रहेको चार नम्वर जितपुर जाने बाटोमा सचांलीत रहेको भुरा माछा पसलका संचालक रतन चौधरी बताउँछन् ।
