कपिलवस्तुमा मास्कको अभाब देखाएर व्यापारीहरुले कालोबजारी सुरु गरेको आम सर्वसाधरणले गुनासो गरेका छन् । नेपालमा पनि कोरोनाभाइरस’ फैलन सक्ने हल्लाका कारण बजारमा मास्कको माग ह्वात्तै बढेसंगसंगै व्यापारीहरुले यस्तो गरेको हुनसक्ने सर्वसाधरणले बताएका छन् । व्यापारीहरुले मास्क बिक्री गरेर चर्को मुल्य लगाउने गरेको उपभोक्ताको गुनासो छ । क्लिनिकहरुमा आमसर्वसाधरण मास्क खरिद गर्न पुग्दाँ उपलव्ध नभएको भनि आलटाल गर्ने गरेको उपभोक्ताको गुनासो छ । एउटा ४०/५० रुपैयाको मास्कलाई १३० रुपैयासम्म लिएको उपभोक्ताको गुनासो भनाई छ । कपिलवस्तुका मुख्य बजारहरु जीतपुर, कृष्णनगर, चन्द्रौटा, तौलिहवा लगायतका ठाउँमा मास्कको अभाव देखिएको हो । सम्बन्धित निकायले आमसर्वसाधरणलाई सचेत बनाउनुका साथसाथै बजार अनुगमनमा पनि तीव्रता देखाउनुपर्ने आमसर्वसाधरणको भनाई छ ।
विश्वका ८८ भन्दा बढी देशमा कोभिड–१९ अर्थात् कोरोना भाइरस फैलिएसँगै स्वस्थ्य व्यक्तिले पनि मास्कको खोजी गरी संक्रमणबाट टाढै रहने प्रयास गरिरहेका छन् । कपिलवस्तुमा पनि कोरोना भाइरसबाट आमसर्वसाधरण त्रसित बनेका छन् ।
यद्यपि, वाणिज्य, आपूर्ति तथा उपभोक्ता संरक्षण विभागले बजार अनुगमन तथा कारबाहीको प्रक्रियालाई अगाडि बढाएको दाबी गरेको छ । कोरोनाको नाममा कालोबजारी गर्ने र कृत्रिम अभाव खडा गर्ने काम आफूहरुले नगर्ने दाबी पनि केही क्लिनिक सन्चालकहरुको भनाई छ ।
मास्कको माग ह्वात्तै बढेपनि डिलरबाट आवश्यक मात्रामा उपलब्ध हुन नसकेको क्लिनिकहरुको भनाइ छ । सरकारले कोरोनाबाट सतर्कता रहन मास्क लगाउन आह्वान गरेपनि अधिकांश क्लिनिकहरुमा अभाव सिर्जना गरिएको छ ।
अत्यावश्यक वस्तुहरुको अभाव हुन नदिने र कालोबजारी नियन्त्रण गर्नु सरकारको दायित्व हो । त्यसैगरी, सरकारले सर्वसाधारणलाई आश्वस्त पार्ने गरी प्रस्तुत हुनु पनि उत्तिकै जरुरी छ ।.
