दाङको देउखुरीमा मोटरसाइकल दुर्घटना हुँदा दुई जना गम्भीर घाइते भएका छन् । आज लमही नगरपालिका– ६ बलरामपुरमा रा ४ प ७२९० र रा ४ प ६७०८ नम्बरको मोटरसाइकल एकआपसमा ठोक्किँदा रामपुरका ३४ वर्षीय अबदुल गनी र सोही ठाउँका ४५ वर्षीय मोहम्द जमिर गम्भीर घाइते भएको प्रहरीले बताएको छ । घाइतेको मुख, टाउको र खुट्टामा गम्भीर चोट लागेको छ ।
अब्दुल र जमिल सवार रहेको मोटरसाइकल लमही देखि गढवा जाँदै गरेको अवस्थामा गढवा देखि लमही आउदै गरेको अर्को मोटरसाइकल सङ्ग ठोक्किदा दुर्घटना भएको वडा प्रहरी कार्यालय लमहीका निमित्त प्रमुख पुराण मल्लले बताउनुभयो। घाइते भएका उनिहरुको अवस्था गम्भीर रहेकोले लमही अस्पतालमा सामान्य उपचार पछि कोहलपुर लगिएको छ ।
