कोरोना भाइरसको त्रासका कारण चीनले सर्वोच्च शिखर सगरमाथा आरोहणमा प्रतिबन्ध लगाएको छ ।
बिहीबार आरोहण गराउने संस्थाहरुले यस्तो जनाएका हुन् । सगरमाथा आरोहणको सिजन सुरु हुँदा चीनले आफ्नो तर्फबाट आरोहण गर्ने यात्रुलाई रोक लगाएको हो । हरेक वर्ष चीनको बाटो हुँदै सयौंको संख्यामा आरोहीहरु सगरमाथा चढ्ने गर्छन् । गत वर्ष मात्रै २ सय ४१ यात्रु तिब्बतको बाटो भएर आरोहण गरेका थिए ।
एएफपीका अनुसार बिहीबार चिनियाँ अधिकारीहरुले सगरमाथाको उत्तर तर्फको बाटो बन्द गरेको घोषणा गरेका हुन् । गत जनवरीदेखि नै तिब्बतमा रहेका पर्यटन क्षेत्र बन्द थिए । चीनमा आरोहण गराउने कम्पनीहरु समेत बन्द छन् ।
