सरकारले यही आइतवारदेखि सबै अन्तर्राष्ट्रिय हवाई उडानमा रोक लगाउने निर्णय गरेको छ। प्रधानमन्त्री केपी शर्मा ओलीले शुक्रबार राष्ट्रका नाममा सम्बोधन गर्दै यस्तो घोषणा गरेका हुन्।
उनले आइतवारदेखि लागू हुने गरी चैत १८ गतेसम्मका लागि यस्तो रोक लगाइएको जानकारी दिएका छन्। ओलीले यो प्रतिबन्धलाई फेरि लम्ब्याउनेबारे केही बोलेनन्। सरकारले यसअघि नै खाडी, युरोपसहितका क्षेत्रका ६० भन्दा मुलुकबाट नेपाल आउने सबै यात्रुलाई रोक लगाइसकेको छ। यो प्रतिबन्धपछि अब छिमेकी मुलुक भारतबाट भइरहेका केही उडान पनि पूरै रोकिनेछन्।
