विश्वभर महामारीको रुपमा फैलिहेको कोरोना भाइरस (कोभिड -१९)को प्रभाव दिनानुदिन बढिरहेको अवस्थामा नेपाल उच्च जोखिमको सुचिमा रहेकोले पश्चिम बुद्धभूमिको विभिन्न गाउँ टोलमा लकडाउन सफल पार्ने बाहानामा कतै गाउँमा अपरिचितलाई प्रवेश निषेध गरेका छन् त कतै एम्बुलेन्स समेत आउन नमिल्ने गरी बाटो बन्द गरिदिएका छन् । बुद्धभूमिको वडा नम्बर १, २ र ३ का अधिकांश स्थानमा अलिहे स्थानीय आफैले बाटो बन्द गरेका छन् तर प्रशासन भने वेखबर रहेको छ । यसरी बाटो अवरुद्ध गर्दा अति आवश्यक कामका लागि हिडेका सवारी साधनलाई समस्या हुने गरेको र कतिपय सवारी साधनहरु बीच बाटो बाटै फर्किएको नाम नखुलाउने सर्तमा चालकहरु बताउन्छन् ।
गाउँघरका स्थानीयले लक डाउनलाई गम्भिर रुपमा नलिएपछि कति पय गाउँमा अहिले युवाहरु जम्मा हुने र बन्द हड्ताल गरे जस्तो गरी बाटोमा अवरोध राखेर अत्यावश्यक काममा समेत हिडडुल गर्न नमिल्ने गरी बल प्रयोग गरेर अवरोध सिर्जना गरेका छन् । कतिपय ठाउँमा सोही विषयले झडप समेत हुन थालेको छ । बाटो अवरुद्ध हुदा र लकडाउनको प्रभाव स्थानीय जन्तामा कस्तो छ विभिन्न ठाँउका मान्छेहरुको एक आपसमा सम्पर्क छ कि नाई भन्ने वारे स्थानिय जन प्रतिनिधिहरुको अनुगमन पनि फित्लो भएको देखिएको छ ।
