विश्वव्यापी रुपमा फैलिरहेको कोरोना भाईरस अर्थात् (कोभिड–१९) को संक्रमण संसारभर नै त्रास भईरहेका वेला यता कपिलवस्तु जेसिज बर्ष २०२० ले विभिन्न कार्यक्रमलाई निरन्तरता दिईरहेको छ । “मानवताको सेवा नै जीवनको सर्वाेत्तम कार्य हो ” भन्ने मुल नारालाई आत्मासाथ गर्दै कपिलवस्तु जेसिजले यहि चैत्र ३० गते रक्तदान कार्यक्रम आयोजना गर्ने भएको कपिलवस्तु जेसिज बर्ष २०२० का अध्यक्ष मनोज कुमार खत्रीले जानकारी दिए ।
अहिलेको विषम परिस्थितिमा देशभर नै रगत समस्याको अभाव सिर्जना भएको छ । सोही समस्यालाई मध्यनजर गर्दै कपिलवस्तु सामुदायिक अस्पतालमा रक्तदान कार्यक्रमको आयोजना गरिएको अध्यक्ष खत्रीले जानकारी दिए । कार्यक्रममा सहभागी भई मानव सेवाको अभियानमा सरिक हुन समेत खत्रीले सम्पुर्णलाई अनुरोध गरेका छन् । विहान ९ बजेदेखि रक्तदान कार्यक्रम गरिने संयोजक जेसि कमल घिमिरेले जानकारी दिए । यस्तै कोरोनाको डरले निजि अस्पतालहरुले उपचार गर्ने नमानि रहेको अवस्थामा कपिलवस्तु जेसिज बर्ष २०२० ले “घर घरमा डाक्टर अभियान ” चलाईरहेको छ ।
