विश्वभर कोरोनाको त्रास बढ्दै गएपछि काठमाण्डौमा बस्दै आएका अर्घाखाँचीका नागरिकलाई जिल्ला ल्याईएको छ भने कपिलवस्तुका नागरिकलाई ल्याउन भने कुनै पहल समेत भएको छैन । अर्घाखाँची जिल्लास्थित स्थानिय निकाय र जिल्लाका नेताहरुको पहलमा काठमाण्डौमा वस्दै आएका अर्घाखाँचीका नागरिकलाई जिल्ला ल्याइएको हो ।
१४ बसमा जिल्लाका ४ सय बढि नागरिकलाई जिल्लामा ल्याइएको हो । जिल्लाका नेताहरु टोप बहादुर रायमाझी, पुष्मा भुसाल, तरुण दलका नेताहरुको पहलमा काठमाण्डौंमा बस्दै आएका अर्घाखाँचीका नागरिकलाई तिन दिन पहिला जिल्ला ल्याईएको अर्घाखाचीबाट पत्रकार घनश्याम पौडेलले वैखरी अनलाइनलाई जानकारी दिए । यता कपिलवस्तुमा भने कसैबाट पनि पहल भएको छैन ।
काठमाण्डौमा हामी सुरक्षित छौ, जिल्ला आउने ब्यवस्था मिलाउन काठमाण्डौमा बस्दै आएका कपिलवस्तुका नागरिकले गुनासो गरेका छन । यस बिषयमा कपिलवस्तुका प्रमुख जिल्ला अधिकारी दिर्घनारायण पौडेलले ल्याउन सकिने तर क्वारेन्टाइनमा राख्नु पर्ने बताएका छन ।
फिचर फोटो: सिने सतरङ्ग कपिलवस्तु
