वैखरी अनलाईन कपिलवस्तु, जेठ ९
बाणगंगा नगरपालिकामा आज बिहान पुष्टी भएका संक्रमित मध्य तिन जनालाई नगरपालिकाले सिमानाका बाट उद्धार गरी सिधै क्वारेनटाईनमा राखिएको थियो ।
बाणगङ्गा नगरपालिकामा भारतबाट आएका वडा नं ५ ,७ र १०का संक्रमितहरु तिनैजना पुरुष हुन । तिनै जनालाई कोरोना पोजेटिभ देखिएको छ। कोरोना पोजेटिभ देखिएका उनलाई सिमा नाकाबाटै उद्दार गरेर सुरक्षित तरिकाले क्वारेन्टाइनमा राखिएको बाणगंगा नगरपालिकाका स्वास्थ्य शाखा प्रमुख ठगराज पौडेलले बताए ।
उनिहरु समुदायमा घुलमिल नभएकोले वडा वासि सबैलाई त्रसित नहुन समेत नगरपालिकाले आग्रह गरेको छ । आफू सुरक्षित हुनको लागि सबैजना अनुशासित भएर घरमा सुरक्षित बस्नुहुन समेत नगरपालिकाले नगरबासिहरु सबैलाई अनुरोध गरेको छ।
बाणगंगा नगरपालिकामा शुक्रवार भेटिएका संक्रमित ५ मध्य ३ जना भारतबाट आएको खुलेको छ । अन्य एक जना स्थानिय बालिका र एकजना पत्रकार रहेका छन । बालिका र एकजना पत्रकार स्वाब संकलन पछि होम क्वारेन्टाईनमा बस्दै आएका थिए ।
