बाराका ४२ वर्षीय र ६६ वर्षीय पुरुषको मंगलबार राति उपचारका क्रममा मृत्यु भएको अस्पतालले जनाएको छ।
अस्पतालकी मेट्रोन भूमिका अधिकारीका अनुसार ४२ वर्षीय पुरुषको मंगलबार राति ८ बजे र ६६ वर्षीय पुरुषको राति ११ बजे मृत्यु भएको हो।
४२ वर्षीय पुरुष भदौ ९ गते कोरोना पोजेटिभ भई श्वासप्रश्वासमा र ज्वरोको समस्या लिएर अस्पतालमा भर्ना भएका थिए। उनी मिर्गौलाका बिरामी थिए। उनको मिर्गौला प्रत्यारोपण गरिएको थियो।
त्यस्तै ६६ वर्षीय पुरुष ७ दिन अगाडि कोरोना पोजेटिभ भई श्वासप्रश्वास र ज्वरोको समस्या लिएर अस्पतालमा भर्ना भएका थिए। उनी मधुममेह, उच्च रक्तचापका बिरामी थिए।
