गृहपृष्ठ Featured अर्घाखाँचीमा श्रीमतीलाई जागिर खुवाउने वडा अध्यक्षको भण्डाफोर, हेर्नुस प्रमाणहरु

अर्घाखाँचीमा श्रीमतीलाई जागिर खुवाउने वडा अध्यक्षको भण्डाफोर, हेर्नुस प्रमाणहरु

प्रकाशित मिति:

अर्घाखाँचीको शितगंगा नगरपालिका वडा नं. १३ देउराली स्थित बुद्ध आधारभूत विद्यालय शिक्षक नियुक्ति प्रकरणमा नयाँ खुलासा भएको छ । वैखरी अनलाईनले भदौ १२ गते वडा नं. १३ का वडा अध्यक्ष दुर्गा बिसीले आफ्नी श्रीमती संगिता विसी चुँदालीलाई सूचना लुकाएर राहत शिक्षकमा नियुक्त गरेको समाचार प्रकाशन गरेको थियो ।

लगत्तै वडा अध्यक्ष विसी, विद्यालय व्यवस्थापन समिति तथा प्रअ बाबुराम भुसाललाई व्यापक दबाव आयो । दबाव पछि उनीहरुले आफूले गरेको अवैध नियुक्तिलाई ढाकछोप गर्न विभिन्न किर्ते प्रमाणहरु खडा गरे जुन एक पछि एक वैखरी अनलाईनलाई विभिन्न श्रोतबाट प्राप्त भयो ।

किर्ते प्रमाण खडा गर्न पत्रकारदेखि लिएर रेडियो संचालक र विद्यालयका प्रअ शिक्षक र वडा अध्यक्ष र उनका परिवार समेत संलग्न भए ।

किर्ते प्रमाण नं. १ ः नक्कली पत्रिकामा सूचना
वैखरी अनलाईनमा सूचना विना शिक्षक नियुक्त भएको समाचार पछि वडा अध्यक्षले आफू नजिकका पत्रकारसंग मिलेर नक्कली पत्रिका खडा गरेका छन् । लुम्बिनी दर्पण साप्ताहिकले भदौ १२ गते भेटेर पछिल्लो मितिको पत्रिकामा सूचना प्रकाशन गर्नका लागि ३५ हजार रकम दिए । साउन २५ गते नै पत्रिका प्रकाशित भइसकेको अवस्थामा सोही वर्ष ४ अंक ४ साउन २५ कै मितिमा अर्को नक्कली पत्रिका खडा गरेर भदौ १६ गते बुटवलको एउटा प्रेसमा ५ प्रति पत्रिका छापेर विद्यालय तथा वडा अध्यक्षलाई बुझाए  तर प्रेस काउन्सिललाई साउन २५ गते नै बुझाएको बर्ष ४ अंक ४ को पेज ६ को पत्रिकामा भने बुद्ध आधारभूत विद्यालयको सूचना छैन । पेज नं. ६ को सो स्थानामा मायादेवी गाउँपालिका र कपिलवस्तु नगरपालिकाको सार्वजनिक सूचना राखिएको छ । प्रेस काउन्सिलका अधिकृत रामशरण बोहराले लुम्बिनी दर्पण साप्ताहिकको अंक ४ पेज ६ मा कुनै पनि विद्यालयको सूचना प्रकाशन नभएको जानकारी दिनुभयो । किर्ते गरेको ठहर भए पत्रिकालाई किर्ते जालशाजी तथा पत्रकार आचारसंहिता अनुसार कारवाही हुने बताउनुभयो । हालै विद्यालयले समाचार खण्डनमा पनि लुम्बिनी दर्पण पत्रिकामा सूचना प्रकाशन भएको र वडा अध्यक्ष बिसीले पनि एक स्थानीय अनलाईन टिभीलाई सोही पत्रिकामै सूचना छापिएको बयान दिएका छन् ।

किर्ते प्रमाण नं. २ ः श्रीमती बचाउन सालीको किर्ते आवेदन

एक मात्र उम्मेद्वार र उनैलाई विना प्रतिस्प्रधा शिक्षक नियुक्त गरेको समाचार लगत्तै विद्यालयले भदौ १२ गते नयाँ आवेदक खडा गर्यो । हतार हतारमा वडा अध्यक्षले काठमाण्डौ बस्ने आफ्नी साली निर्मला चुदाँली र उनकी साथी विमला केसी र आफ्ना नजिकका नेकपाकै कार्यकर्ता ऋषिराम घिमिरेका कागजात मगाए र आवेदक बनाए । विद्यालय श्रोतकै दाबी मान्ने हो भने तीनै जनाका आवेदन समेत त्यहि लेखिएको र उनीहरुको हस्ताक्षर समेत नक्कली हो । रोजगारीको हाहाकार र त्यसमाथि आधारभूत विद्यालय र शिक्षक आवश्यक पर्ने विषय नेपाली । लकडाउन र बेरोजगारी झांगिएको बेला कस्ले जाँगिर नखाला ? शितगंगा नगरपालिका क्षेत्रमा मात्रै ३ सय बढि प्रावि, निमावी तथा मावि तहका शिक्षक अध्यापन अनुमति पत्र प्राप्त व्यक्तिहरु छन् तर तिनीहरुलाई थाहा नभएको सूचना वडा अध्यक्षका श्रीमती, साली, आफन्त र कार्यकर्ता गरि ४ जनालाई मात्र थाहा हुनु र ती मध्ये ३ जना परीक्षामै नआउनु आफैमा किर्ते उम्मेद्वार खडा गरेको बलियो प्रमाण हो ।

 

https://www.youtube.com/watch?v=A7cBg8gs68E

किर्ते प्रमाण नं. ३ ः नियुक्ती पछि रेडियोमा सूचना
सुचना लुकाएको आरोपको समाचार आइपुग्दा सम्म वडा अध्यक्ष दुर्गा विसीको योजनामै श्रीमती संगिता विसी चुदाँलीले भदौ १० गते हता हतार नियुक्ती बुझिसकेकी थिइन् । समाचार पछि किर्ते प्रमाण जुटाउने क्रममा रेडियो शितगंगामा सूचना बजेको भन्दै बिल प्रमाण देखाइयो । रेडियो अध्यक्ष नारायण शर्माले फेसबुके विज्ञप्ती जारी गर्दै १ हप्ता सम्म सूचना बजेको दाबी गरे तर वडा अध्यक्ष विसीले भने सूचना रेडियोबाट १५ दिन बजेको दाबी गर्दै अन्तर्वार्ता दिए । रेडियो कर्मचारीको श्रोत अनुसार भदौ ११ गते मात्र सूचना बनाइएको थियो भने २ दिन मात्र बजाइएको थियो ।

https://www.youtube.com/watch?v=VkUdPIdY3as

 

 

 

किर्ते प्रमाण ४ ः नियुक्ति प्रक्रिया नै गलत

शितगंगा १३ स्थित बुद्ध आधारभूत विद्यालयले शिक्षक भर्ना प्रक्रिया नै गलत भएको प्रमाण फेला परेको छ । जिल्ला शिक्षा तथा समन्वय इर्काइ अर्घाखाँचीले जारी गरेको निर्देशिकामा राहत, अस्थायी, निजी शिक्षक भर्नामा कम्तिमा ३ जनाले आवेदन दिएको हुनुपर्ने उल्लेख छ । जस मध्ये अनिवार्य ३ जना परिक्षामा बस्नुपर्ने छ । आवेदन दिएका मध्ये कुनै अयोग्य भएमा आवेदन लिन पाइने छैन । तर अयोग्य देखिए पुनः ७ दिनको सार्वजनिक सूचना जारी गर्ने  र त्यसमा पनि थप आवेदन नपरेमा सदर भएको सबै आवेदकहरुलाई अनिवार्य परीक्षामा सामेल गराउनुपर्ने उल्लेख छ । शिक्षा तथा समन्वय इकाई अर्घाखाँचीले शितगंगा नगरपालिका शिक्षा इकाई संग थप घटना बारे बुझ्ने जनाएको छ ।

विद्यालयले शिक्षक भर्ना जारी गर्ने सूचना कोटा पाएपछि व्यवस्थापन समितिको निर्णय भएकै दिन प्रकाशित हुने हो त्यहि दिनको दैनिक पत्रिका वा त्यस दिन दैनिक पत्रिकामा सूचना प्रकाशन हुन नसकेको खण्डमा साप्ताहिक पत्रिकामा प्रकाशन गर्नुपर्ने प्रावधान रहेको जिल्ला शिक्षा तथा समन्वय ईकाइ अर्घाखाँचीले जनाएको छ ।

यस बिषयमा शितगंगा नगरपालिकाका नगर प्रमुख सुर्य प्रसाद अधिकारीले यस बिषयमा आफुलाई कुनै जानकारी नभएको बताए । उनले यस बिषयमा ५ वटा उजुरी समेत परेको वैखरी अनलाइनलाई जानकारी दिए ।

न पक्षको न विपक्षको यात्रा निष्पक्षको जारी छ ।

सम्बन्धित् समाचार