कपिलवस्तुको बाणगंगामा रहेको बाणगंगा माध्यामिक बिद्यालयमा २०४९सालमा एसएलसी संगै दिएका साथिहरुले एक पिडित साथिलाई सहयोग गरेका छन् । बाणगंगा नगरपालिका वडा न.५ बस्ने राजकुमार गुरुङलाई उनिहरुले सहयोग गरेका हुन् ।
गुरुङकि धर्मपत्नि रुपा गुरुङ विगत दश बर्षदेखि बिरामि भएर थला परेको थाहा पाएपछि उनिहरुको अवस्था बुज्न केहि साथिहरु उनको घरमा पुगका थिए । संगै कक्षा १०मा अध्यन गरेका राजुले आफ्ने अवस्थाबारे जानकारी दिएपछि उनिहरुका आँखा रसाए ।
२०४९ सालमा एसएलसी संगै दिएका साथिहरु को कहाँ छन भन्ने केहि थाहा थिएन । राजुको अवस्थाबारे थाहापाए लगत्तै सामाजिक संजालमा बाणगंगा माध्यामिक बिद्यालय एसएलसि २०४९ग्रुप तयार भयो । ग्रुपमा एकाएक साथिहरु जोडिए । सबैले राजकुमारको अवस्था थाहापाए र सहयोगका लागि सबै एकजुट भएका छन् । सोहि कारण आज (सोमवार) राजकुमारको घरमै पुगेर एसएलसी २०४९ ग्रुपले खाद्यान्न सहयोग गरेको ग्रुपका व्यवस्थापक सोभाखर पराजुलिले जानकारी दिए । ग्रुपले राजकुमारलाई केहि समस्या भएमा आफुहरु जस्तो सुकै सहयोग गर्न पनि तयार रहेको प्रतिबद्धता समेत गरेका छन् । उनिहरुले राजकुमारलाई आफ्नी र्धमपत्नीलाई स्याहार सुरारमा केहि कमिहुन नदिन आग्रह समेत गरेका छन् ।
उता पिडित भएका साथिले पनि आफुहरु संगै अध्ययन गरेका साथिहरुले यसरि सहयोग गर्दा आफुलाई बाच्ने आधार र हौसला बढेको बताए । सहयोगका लागि पदम प्रताप सेनले एसएलसी गु्रपमा मात्र नभएर अनेत्र पनि पहल गर्ने बताएका छन् । पिडित गुरुङका बृद्ध बा आमा र एक छोरा बुहारी छन् ।
