मौसम पूर्वानुमान महाशाखाले आज पहाडी भू-भागका केही स्थानमा अपराह्नपछि मेघ गर्जन, चट्याङ र हावाहुरीसहित क्षणिक वर्षा हुन सक्ने जानकारी दिएको छ । आज दिउँसो पहाडी भू-भागमा बदली रहने पनि महाशाखाले जनाएको छ ।
महाशाखाका अनुसार हाल देशमा स्थानीय वायुका साथसाथै पश्चिमी वायुकोसमेत आंशिक प्रभाव रहेको छ ।
भोलि सुदूरपश्चिम, कर्णालीलगायतका प्रदेशमा मेघ गर्जन, चट्याङ, हावाहुरी र असिनासहित क्षणिक वर्षा हुन सक्ने महाशाखाले जानकारी दिएको छ ।
बुधबार देशभर बदली रही सुदूरपश्चिम, कर्णालीलगायतका प्रदेशका केही स्थानमा मेघ गर्जन, चट्याङ तथा हावाहुरीसहित क्षणिक वर्षा हुने महाशाखाको पूर्वानुमान छ ।
