हरि घिमिरे, बैशाख ७
कपिलवस्तु उद्योग बाणिज्य संघद्धारा प्रकाशित गरिएको भित्तेपात्रोको एक कार्यक्रमका विच विमोचन गरिएको छ । उद्योग बाणिज्य संघको सभाहलमा मंगलबार पात्रो विमोचन गरिएको हो । विगतका बर्षहरुमा जस्तै यस बर्षपनि कपिलवस्तु उद्योग वाणिज्य संघले नयाँ बर्षको शुभकामना आदान प्रदान तथा भित्ते पात्रो विमोचन गरेको संघले जनाएको छ ।
विमोचन कार्यक्रमका प्रमुख अतिथी प्रदेश शभा सदस्य विष्णु पन्थीले कपिलवस्तु उद्योग बाणिज्य संघ राष्ट्रको चिनारी बनेको बताएका छन् । केहि बर्ष अगाडि देखि चालु रहेका कामको नयाँ कार्य समितिले निरन्तरता दिनुले पनि नगरवासिमा एकताको संन्देस पुगेको उनको भनाई छ । बाणगंगा नगरपालिका सम्भावनाको खानि भएकाले यस क्षेत्रमा निजि लगानि कर्ताले उद्योग बाणिज्य संघको सहकार्यमा ढुक्क भएर लगानि गर्न आग्रह गरे । त्यस्तै उनले तुलनात्मक रुपमा बुटवल, भैरहवाको भन्दा जग्गा जमिन बाणगंगामा उद्योगको प्रयाप्त संम्भावना रहेको बताए । नगर संङ्गको समन्वयमा बाणगंगामा लगानि सम्मेलन गर्न सकेमा समृद्ध बाणगंगा बन्न समय नलाग्ने उनले बताए ।
त्यस्तै बाणगंगा नगरपालिकाका नगर प्रमुख मंगल प्रसाद थारुले कपिलवस्तु उद्योग बाणिज्य संघ र बाणगंगा नगरपालिकाको सहकार्य अत्यन्त सुमधुर रहेकाले बाणगंगाको महत्व अझै बढेको बताए । रोजगारी सिर्जना गर्ने काममा कपिलवस्तु उद्योग बाणिज्य संघ लागि परिरहोस भन्दै नगर प्रमुख थारुले नगरपालिकाले रोजगारीका लागि पुर्ण रुपमा सहयोग गर्ने प्रतिबद्धता जनाए ।
कपिलवस्तु उद्योग बाणिज्य संघका निर्वतमान अध्यक्ष उमानाथ पौडेल, संघका बर्तमान अध्यक्ष डोलकराम घिमिरेले आ–आफ्नो भनाई राख्दै नबवर्षको सम्पुर्णमा शुभकामना व्यक्त गरेका थिए ।
भित्तेपात्रो विमोचन तथा नयाँ बर्षको शुभकामना आदान प्रदान कार्यक्रममा पात्रो प्रकाशन संयोजक तुल्सीराम घिमिरेको अध्यक्षता रहेको कार्यक्रममा संघका बरिष्ठ उपाध्यक्ष छवि रेश्मीको स्वागत तथा संघका महासचिव मनोज पौडेलको संचालनमा कार्यक्रम सम्पन्न भएको हो ।
