कपिलवस्तु : भारतबाट अबैधरुपमा भित्राइएका झन्डै पाच लाख मुल्यका मोबाईल बरामद गरिएको छ । तौलिहवा– चार नम्बर सडक खण्ड अन्तर्गत कपिलबस्तु नगरपालिका वडा नं. ३ महिता चोकमा लु २ ख ४५९४ नंवरको बसबाट सो मोबाईल प्रहरीले बरामद गरेको हो ।
वडा प्रहरी कार्यालय तौलिहवाबाट खटिएको प्रहरी टोलीले सवारी साधन चेकजाँच गर्ने क्रममा बसको डिक्कीमा चेकजा गर्नेक्रममा मोबाईल फेला पारिएको प्रहरी नायब उपरिक्षक धर्मराज भन्डारीले बताए ।
बोरामा राखेको बिभिन्न मोडलका सामसुङ मोवाईलका डिस्प्ले थान–५३० बेवारिसे अवस्थामा फेला पारिएको थियो । ४ लाख ७७ हजार मुल्य पर्ने सो मोबाईल आवश्यक कारवाहीको लागी सुठौली भन्सार कार्यालय कपिलवस्तु पठाईएको प्रहरी नायब उपरिक्षक भन्डारीले बताए ।
