त्रिभुवन विश्वविद्यालयले परीक्षा नरोकिने जनाएको छ ।
आइतबार बसेको सीसीएमसीको बैठकले कोरोना संक्रमण बढेकाले नियन्त्रणका लागि सबै तहका परीक्षा स्थगित गर्न सरकारलाई सिफारिस गर्ने निर्णय गरेको थियो । तर, त्रिविले भने सोमबार हुने परीक्षा नरोकिने बताएको छ ।
‘सीसीएमसीले सिफारिस गर्दैमा परीक्षा रोकिँदैन । भोलिको परीक्षा हुन्छ, ‘ शिक्षाध्यक्ष शिवलाल भुसालले भने, ‘मन्त्रिपरिषद्को निर्णय आएपछि अर्को सूचना आउँछ ।’
त्रिविको स्नातक र स्नातकोत्तर तहको परीक्षा भइरहेको छ ।
