वैखरी, चार नम्बर
कपिलवस्तु शिवराज नगरपालिका भित्र रहेका ९ स्वास्थ्य चौकी प्रमुखहरूद्धारा सरकारी बजेटको दुरुपयोग भएको छ । कोरोना कहरका वेला शिवराज नगरपालिकाले बिरामि हरुलाई अक्सीजनको व्यवस्था गर्नुको साटो स्वस्थ्य प्रमुखहरुलाई भ्रमणमा पठाएको छ । यसले शिवराज नगरपालिका भित्र रहेका ९ स्वास्थ्य चौकी हरुमा स्वास्थ्यसेवा प्रभावित भएको हो। कोरोनाको संक्रमण बढेको अवस्थामा स्वास्थ्यकर्मी भ्रमणमा जादा सेवाग्राहीलाई समेत असर गरेको छ । कोभिड संक्रमित बढीरहेको अवस्थामा स्वास्थ्यचौकी प्रमुख भ्रमणमा जानू नागरिक प्रती उत्तरदायी नभएको नगरबासीले बताउछन । शिवराज नगरपालिकाको २ लाखको लागतमा अन्तर प्रदेश अध्ययन अवलोकन शिर्षकमा स्वास्थ्यकर्मीहरु भ्रमण गएको नगरपालिकाले जनाएको छ । भ्रमणमा शिवपुर स्वास्थ्य चौकी प्रमुख लेखनाथ पौडेल, विसनपुर स्वास्थ्य चौकी प्रमुख प्रकाश पोख्रेल, चनई स्वास्थ्य चौकी हनुमान प्रसाद कोहार , खरेन्द्रपुर स्वास्थ चौकी जित बहादुर विसि, थुन्हियाका प्रमुख राजेश कुवार, जवाभारीका बिष्णु बहादुर क्षेत्री, शिवगढिका प्रमुख बिरेन्द्र कुमार मिश्र लगायत कार्यालय छोडेर भ्रमणमा गएको खुल्न आएको छ ।
सेवाग्राहीलाई स्वास्थ्य चौकी गएपछि फर्किने गरेका छन । केहि सुबिधा चौकिमा रहेका अन्य स्वास्थ्यकर्मीले उपचार गर्दै आएको नगरपालिकाले जनाएको छ ।
शिवराज नगरपालिकामा अहिले ३० जना कोरोना संक्रमित रहेका छन । ती मध्ये एक जना स्वास्थ्यकर्मीको अवस्था जटिल रहेको स्वास्थ्य शाखा प्रमुख चुडामाणी भट्टराईले जानकारी दिनु भयो । नगरमा अक्सिजनको थप ब्यस्थापन भैरहेको प्रमुख भट्टराईले बताउनु भयो । संक्रमण बढदै गएकोले स्वास्थका मापदण्ड आपनाउनु पर्ने स्वास्थ्य शाखा प्रमुख भट्टराईले बताउनु भयो । मास्कको प्रयोग गर्न र सामाजिक दुरी कायम गरि दैनिक कार्य संचालन गर्न भट्टराईले अनुरोध गर्नु भयो
