चिनियाँ कम्युनिस्ट पार्टीको शताब्दी समारोहमा राष्ट्रपति सी चिनफिङले आफ्ना विरोधीहरूलाई कडा शब्दमा चेतावनी दिएका छन् । कसैले दबाउन खोज्दैमा चीन दबिएर नबस्ने उनले बताए ।
चीनविरोधी विदेशी शक्तिका अगाडि आफू चुप लागेर नबस्ने उनको चेतावनी छ । ‘हामीलाई दबाब दिने, अधीनमा राख्न खोज्ने कुरा कसैले नचिताए हुन्छ । अब हामी त्यो सहने छैनौँ’, सीले भने ।
करिब ७० हजार समर्थकको उपस्थितिमा उनले भाषण गरिरहेका छन् । चीनविरोधी शक्तिविरुद्ध कडा बोलेका उनको भाषणलाई मानिसहरूले ताली र हुटिङले समर्थन गरे । राष्ट्रपति सीको यो अभिव्यक्तिलाई अमेरिका र चीनसँग जारी तनावसँग जोडेर हेरिएको छ ।
