कैलाली : कैलाली प्रहरीले झन्डै आधा किलो सुनसहित तीन जनालाई नियन्त्रणमा लिएको छ। कतारको बिल देखाउने कैलालीको अत्तरियास्थित शैलेश्वरी सुनचाँदी पसलका सञ्चालक समीर सिजापति, सोही सुनचाँदी पसलमा कार्यरत सुनसरीका राजु बिक र कञ्चनपुरको शुक्लाफाँटा नगरपालिका वडा नम्बर ८ का भवानी घिमिरे पक्राउ परेका हुन्।
काठमाडौंबाट महेन्द्रनगरतर्फ जाँदै गरेको ना ८ ख ८३४९ नम्बरको महाकाली यातायातको बसमा आज दिउँसो चेक गर्दा उक्त बसका कन्डक्टर घिमिरेको साथबाट ४९।९५ ग्राम अवैध सुनको बाला र नगद २६ हजार बरामद भएपछि थप अनुसन्धानका क्रममा झन्डै आधा किलो सुन फेला परेको हो।
उनीहरूलाई थप अनुसन्धानका लागि राजस्व अनुसन्धान कार्यालय, कोहलपुर पठाइने जिल्ला प्रहरी कार्यालय कैलालीले जनाएको छ।