बुटवल : रुपन्देहीमा टिपरको ठक्करबाट पैदलयात्रीको ज्यान गएको छ । तिलोत्तमाको शंकरनगरमा लु २ ख २२१६ नम्बरको टिपरले ठक्कर दिंदा तिलोत्तमा-३ सिता राइसमिल नजिकै बस्दै आएकी ७८ बर्षीया प्रेमकुमारी आचार्यको आज बिहान मृत्यु भएको हो ।
शंकरनगरस्थित सिद्धार्थ राजमार्गको जेब्रा क्रसिङबाट सडक पार गर्दै गरेकी आचार्यलाई ठक्कर दिएर टिपर फरार भएको लुम्बिनी प्रदेश ट्राफिक प्रहरी कार्यालय बुटवलले जनाएको छ ।
ठक्कर दिने टिपर र चालकको खोजी भइरहेको प्रहरीले जानकारी दिएको छ ।
