शनिबार देशभरका वडामा वडा सम्मेलन गरेको नेकपा (माओवादी केन्द्र) ले कपिलवस्तुमा पनि भव्यताका साथ वडा सम्मेलन गरेको छ ।
१० पालिकाका ९६ वडा रहेको कपिलवस्तुमा ७९ वडामा वडा सम्मेलन मार्फत नयाँ कमिटी निर्माण भएको माओवादी केन्द्रका जिल्ला समन्वय समिति संयोजक रामचन्द्र शाहले जानकारी दिनुभयो । अझै १७ वडामा सम्मेलन गर्न बाँकी रहेको भन्दै छिट्टै गरिने उहाँले बताउनुभयो ।
जिल्लाभर एकैसाथ वडा सम्मेलन गर्दा पार्टीको जिल्ला नेतृत्वको व्यस्तता र समय अभावका कारण हुन नसकेको उहाँले जनाउनुभयो ।
माओवादी केन्द्र कपिलवस्तुले कपिलवस्तु नगरपालिकामा १२ वडा, वाणगंगा नगरपालिकामा ११ वडा , यशोधरा गाउँपालिकामा ८ वडा, बुद्धभूमि नगरपालिकामा १० वडामा वडा कमिटी निर्माण गरेको छ ।
यस्तै शुद्धोधन गाउँपालिकामा ६ वडा, शिवराज नगरपालिकामा ६ वडा, विजयनगर गाउँपालिकामा ६ वडा, महाराजगन्ज नगरपालिकामा ६ वडा, कृष्णनगर नगरपालिकामा ८ वडा र मायादेवी गाउँपालिकामा ६ वडा वडामा वडा कमिटी गठन गरिएको छ ।
अब शिवराजमा ५, विजयनगरमा १, महारागन्जमा ५, कृष्णनगरमा ४ र मायादेवीमा २ वडामा वडा कमिटी निर्माण हुन बाँकी छ ।
