कपिलवस्तु : गरिब तथा विपन्न परिवारलाई लक्षित गरी सहकारी संस्था मार्फत स्थानीय समुदायलाई आर्थिक रुपमा सवल बनाउने खालका कार्यक्रम लागु गर्न सहकारीकर्मीले जोड दिएका छन् । कपिलवस्तुको बुद्धभुमी नगरपालीका २ गोरुसिँगेमा रहेको लुम्बिनी बचत तथा ऋण सहकारी संस्थाको १६ औं बार्षिक साधारण सभा तथा सातौ अधिवेशनका सहभागीहरुले यस्तो कुरामा जोड दिएका हुन् ।
उनीहरुले छरिएको पुँजीलाई एकिकृत गरी बैदेशीक रोजगारीमा भन्दा स्थानीय कृषि उत्पादनमा सहकारीको लगानी विस्तार गरी गरिव तथा विपन्न समुदायको आयआर्जनमा बृद्धि गर्ने खालका कार्यक्रममा लगानी गर्न सुझाव दिएका छन् । २०६४ सालमा स्थापना भएको लुम्बिनी सहकारी सँस्थाका ७ सय २९ जना शेयर सदस्य रहेका छन्भने कुलपुँजी ७ करोडको हाराहारीमा छ । बर्तमान समयमा नयाँ प्रविधिको विकास भएकाले सोको प्रयोग बढाउँदै स्थानीय स्तरमा रोजगारीका अवसर सिर्जना गर्नुपर्ने औल्याएका छन् ।
संस्थाका अध्यक्ष दिनेश बन्जाडेको अध्यक्षतामा भएको कार्यक्रममा बुद्धभुमी नगरपालीका सहकारी विभाग प्रमुख विजय भुसाल, वडा नम्वर २ का अध्यक्ष भेषराज खनाल, समाजसेवी विष्णुहरि शर्मा, नारायण भुसाल, कृष्ण भट्राई, निल कुमार श्रेष्ठ लगायतले बोलेका थिए ।
सातौ अधिवेशनले आगामी ४ वर्षका लागी हिमलाल बेल्वासेको अध्यक्षतामा ११ सदस्यीय नयाँ कार्यसमिति सर्वसम्मत रुपमा चयन गरेको छ ।
