काठमाडौं : आवास लामिछानेले गरेको एक मात्र गोलमा विभागीय टोली एपीएफले शहीद स्मारक ए डिभिजन लिगमा शुक्रबार हिमालयन शेर्पालाई १–० ले हराएको छ । जारी लिगमा शुरुको तीन खेल हारेको एपीएफले त्यसयता लगातार ६ खेलमा अपराजित यात्रा कायम राखेको छ । लिगमा एपीएफको यो दोस्रो जित हो ।
एपीएफले यसअघि फ्रेण्ड्स क्लबलाई पराजित गरेको थियो । तेस्रो चरणमा सातदोबाटो युथ क्लबसंग पराजित भएयता एपीएफ लगातार ६ खेलमा अपराजित छ ।
जितपछि एपीएफ ९ खेलबाट १० अंक जोड्दै आठौं स्थानमा उक्लेको छ । हिमालयन शेर्पा ९ खेलबाट ११ अंकसहित छैटौं स्थानमै छ ।