शुक्रबार दिउँसो अर्घाखाँचीमा बस दुर्घटना हुँदा १० जना घाइते भएका छन । अर्खापा बसमा सवार २८ जनामध्ये करिव १० जना घाइते भएका प्रहरीले जनाएको छ ।
अर्घाखाँचीका प्रहरी प्रमुख डिएसपी थम्मन थापा क्षेत्रका अनुसार प्युठानको स्वर्गद्धारी दर्शन गरी सुपादेउराली हुँदै पोखरा जान लागेको ग २ ६०८० नम्वरको बस सन्धिखर्क नगरपालिका – २ भलाडाडा नजिकै कुनोमा ठोक्कीएको हो ।
घाइतेमध्ये धेरैको अवस्था सामन्य रहेको कसैको खुट्टामा चोट लागेको बताउँदै डिएसपी थापा क्षेत्रीले घाइतेका कोही पनि आफन्तजन आत्तिनु पर्ने अवस्था नरहेको र उनीहरुको सन्धिखर्कको जिल्ला अस्पतालमा उपचार भइरहेको बताएका छन् ।
