अर्घाखाँची : अर्घाखाँचीको छत्रदेव गाउँपालिकाका तत्कालीन प्रशासकीय अधिकृत रामजी जोशीविरुद्ध भ्रष्टाचार मुद्दा दायर भएको छ । फर्निचर खरिदमा ४ लाख ४७ हजार ५०० रूपैयाँ भ्रष्टाचार भएको ठहरसहित अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको हो ।
आर्थिक वर्ष २०७३/०७४ मा फर्निचर खरिद गर्दा वास्तविक मूल्यभन्दा फरक मूल्य राखिएको, बिल अनुसारका सामान दाखिला नगरिएको, प्रतिस्पर्धा सीमित हुने गरी सामानहरू खरिद गरेको अख्तियारको भनाइ छ ।
जोशी सरुवा भएर गएपछि कार्यालयको स्टोर व्यवस्थापन गर्ने क्रममा दाखिला प्रतिवेदन बनाई खरिद नै नगरिएको सामानको बील भरपाइ पेस गरिएको भन्दै अख्तियारले कैद तथा जरिबानाको मागसहित मुद्दा दायर गरेको हो ।
