नेपाली कांग्रेसका नेता मेवालाल यादव पार्टी परित्याग गरी जनता समाजवादी पार्टी (जसपा) प्रवेश गरेका छन् ।
आइतबार यादवले कांग्रेस परित्याग गरी जसपामा गएको घोषणा गरेका हुन् ।
जसपा प्रवेश लगत्तै उनले प्रतिनिधिसभा- १ को प्रदेश सभा ‘ख’ मा टिकट पाएका छन् । जसपाका नेता सहसराम यादवले यो क्षेत्रबाट टिकट पाए पछि उनले एकाएक कांग्रेस रोजेपछि मेवालाल कांग्रेस परित्याग गर्दै जसपा गएका हुन् ।
नेपाली कांग्रेसका महाधिवेशन प्रतिनिधि रहेका उनले पार्टीले धोका दिए पछि आफू जसपामा लागेको बताए । कांग्रेसमा लामो समय काम गरेका नेता टिकटबाट बन्चित हुनुपर्ने र एकाएक नयाँले टिकट पाए पछि आफूले पार्टी छाड्ने निर्णय गरेको उनले बताए ।
