नेपालगन्ज ।
आइतबार बिहान नेपालगन्जको रामनगरमा रहेको चुरा गोदाममा आगलागी हुँदा एक जनाको मृत्यु भएको छ । नेपालगन्ज उपमहानगरपालिका- ५, रामबागमा मो. आरिफ अन्सारीले राखेको चुराको गोदाममा आगलागी हुँदा समीर वलीको मृत्यु भएको हो ।
ठूलो विष्फोटका कारण गोदामघर पूर्णरुपमा क्षति भएको छ । आइतबार बिहान ५ बजे आगलागी भएको थियो ।
बाँके प्रहरी प्रवक्ता डीएसपी रामप्रसाद घर्तीका अनुसार समीरको निसास्सिएर मृत्यु भएको हो । चुराको गोदाममा भएको आगलागीको कारण खोज्न अनुसन्धान थालिएको प्रहरीले जनाएको छ ।
प्रहरीले चुरा गोदाममा लागेको आगोको धुवाँका कारण विष्फोट भएको हुनसक्ने आशंका गरेको छ ।
