कपिलवस्तु ।
कपिलवस्तुकाे कृष्णनगर नगरपालिकाकाे बहादुरगंजमा संचालन भएकाे नेपाल भारत मैत्री पूर्ण क्रिकेट प्रतियोगिताको उपाधि कोटिया टिमले जितेको छ।
बहादुरगंज खेल मैदानमा भएको फाइनल खेलमा बहादुगंज टिमलाई ७८ रनका विरुद्ध ३ विकेटले कोटिया टिमले जित हासिल गरेको हो । विजेता टिमलाई बधाई दिदै कृष्णनगर नगरपालिकाका प्रमुख रजत प्रताप शाहले खेलले व्यक्तिलाई सदैव स्वास्थ राख्दै अनुशासनमा कटिबद्ध गराउने बताउनुभयो ।
खेलकुद प्रतियोगिताले खेलाडीबीच अनुशासित र मित्रवत व्यवहारमा समेत परिर्वतन गर्ने नगरप्रमुख शाहले बताउनुभयो । उहाँले आफू पनि युवा अवस्थामा खेलाडी भएकाले खेल र खेलाडीको महत्व बोध भएको बताउनुभयाे । बहादुरगंजको खेल मैदानलाई अझै व्यवस्थित बनाउन नगरपालिकाले पूर्ण सहयोग गर्ने उहाँले बताउनुभयो ।
