इजरायली पुलिस कमिश्नर कोबी शाबताईले यसलाई ‘हालका वर्षहरूमा सबैभन्दा खराब आक्रमणहरू मध्ये एक’ भएको बताए । इजरायलका यहूदीहरू यहूदी शब्बाथको अवसरमा पूर्वी जेरुसेलमको यहूदी बस्तीमा रहेको एउटा सभा घरमा प्रार्थना गर्न भेला भएको बताइएको छ।
यहुदीहरूले जर्मनीमा नाजी शासनकालमा हलोकास्टमा मारिएका करिब ६० लाख यहूदी र अन्य पीडितहरूको सम्झनामा ‘होलोकास्ट मेमोरियल डे’ मनाउँछन्। मानिसहरू सभा घरमा मारिएकाहरूलाई सम्झन आएका थिए। त्यहाँ जम्मा भएका मानिसहरु बाहिरिने क्रममा आक्रमणकारीले गोली प्रहार गरेका थिए । आक्रमणपछि अधिकारीहरूले आक्रमणकारीलाई गोली हानेको प्रहरीले जनाएको छ।
