कपिलवस्तु ।
नेपाल नेत्र ज्योती संघ कपिलवस्तु शाखाको छैठौं जिल्ला शाखासभाबाट निर्वाचित अध्यक्ष मनोज कुमार श्रीवास्तव सहित कार्य समितिका सदस्यको पदस्थापन गरिएको छ ।
शाखा भवनमा आयोजित कार्यक्रममा बोल्दै संघका निर्वाचन समितिका संयोजक समेत रहेका केन्द्रिय उपाध्यक्ष तथा लुम्बिनी प्रदेश अध्यक्ष सागर प्रताप राणाले निर्वाचनलाई जिम्मेवारीको रुपमा ग्रहण गर्न आवश्यक रहेकोमा जोड दिए । संघ र तौलिहवा आँखा अस्पतालको बिकासका लागी सामुहिक कार्यमा जोड दिन आग्रह गरे ।
संघको बिकासमा आफु सधै तत्पर रहने निर्वतमान अध्यक्ष रमेश शर्माले बताए । आफु नेतृत्वको समितिले सबै पक्ष सँग सहकार्य गरि संघको बिकासमा लाग्ने नवनिर्वाचित अध्यक्ष मनोज कुमार श्रीवास्तवको प्रतिबद्धता थियो ।
लुम्बिनी नेत्र बिज्ञान अध्ययन संस्थान र रण अम्बिका आखाँ अस्पतालका मातहतका अस्पतालले आफ्नो सेवा प्रवाहका माध्यमबाट आर्थिक मन्दीमा समेत बैदेशिक मुद्रा ल्याउन सफल भै रहेको रण अम्बिका शाह आँखा अस्पतालका व्यवस्थापक प्रकाश रायमाझीले जानकारी दिए ।
अध्ययन संस्थान मातहत आँखा सम्बन्धि जनशक्ति उत्पादन, क्लिनिकल स्तरोन्नती र अध्ययन अनुसन्धानका क्षेत्रमा काम गर्दै आएको उनले प्रष्ट्याए । संघको बिकासका लागी शाखा कार्य समितीले सबै पक्ष सँग सहकार्य गरेर अगाडी बढ्नु पर्नेमा शाखाका संस्थापक अध्यक्ष गोपाल बहादुर सिंह, अस्पताल व्यस्थापक चित्र कुमार कर्ण लगायतले जोड दिए ।
यस अघि शनिवार सम्पन्न निर्वाचनमा कुल १ सय ८१ मतदान भएकोमा ८९ मत प्राप्त गरि मनोज कुमार श्रीवास्तव शाखा सभापति पदमा निर्वाचित भएका थिए । अर्का सभापति पदका उम्मेदवार राजेश ज्ञवालीले ८५ मत प्राप्त गरे ।
सदस्य (महिला) तर्फ कमला सापकोटा र रिता मिश्रा निर्वाचित भए । त्यसै गरि शाखा सदस्यहरुमा चर्तुभुज शर्मा, गोपाल भण्डारी, बलराम घिमिरे, जर्नादन पराजुली, कृष्ण कुमार केसी, बिरेन्द्र कुमार वर्मा, कृष्णकेश श्रेष्ठ, मनबहाल बरई, राम निवास चौधरी र मुख्तार अहमद खाँ निर्वाचित भएका थिए ।
