वैखरी अनलाईन, बुद्धभूमि ।
कपिलवस्तुको बुद्धभूमि नगरपालिका वडा नम्बर ५ ले निशुल्क बृहत योग शिविर संचालन गर्ने भएको छ । “गरौं योग रहौं निरोगी” भन्ने मूल नाराका साथ १५ दिने निशुल्क योग शिविर हुन लागेको हो ।
यही वैशाख १३ गतेदेखि २७ गतेसम्म सिएलसी भवन राजपुमा उक्त शिविर गर्न लागिएको वडाध्यक्ष रोमबहादुर थापाले जानकारी दिए । वडाध्यक्ष थापाका अनुसार विहान ५ बजेदेखि ७ बजेसम्म उक्त शिविर हुने छ ।
उनले मानिसको स्वास्थ्य नै अमूल्य धन भएकाले वडावासीको स्वास्थ्यलाई मध्येनजर गर्दै शिविर गर्न लागिएको बताए ।
