कपिलवस्तु ।
महिला बालबालिका तथा जेष्ठ नागरिक मन्त्री भएपछि पहिलो पटक गृह जिल्ला कपिलवस्तु आएका मन्त्री सुरेन्द्रराज आचार्यलाई भव्य स्वागत गरिएको छ । मन्त्री आचार्यलाइ स्वागत गर्न कांग्रेस कार्यकर्ताहरू गौत्तम बुद्ध बिमानस्थल पुग्नुका साथै जिल्लाका बिभिन्न स्थानहरुबाट पार्टी कार्यालय तौलिहवामा पुगेका थिए ।
नेपाली कांग्रेसकी महिला नेतृ पुर्व राज्य मन्त्री मिना पाण्डेको निधन भएकोले जिल्लामा कुनै औपचारिक कार्यक्रमको आयोजना नगरिएता पनि मतदाता तथा कार्यकर्ताहरुसंग भेटघाट कार्यक्रमहरु तय गरिएको नेपाली कांग्रेस कपिलवस्तुका सचिव शक्ति सिंह ठकुरीले जानकारी दिए ।
मन्त्री आचार्यले चार दिनसम्म कपिलवस्तु जिल्लाका बिभिन्न क्षेत्रहरुको भ्रमण अवलोकन तथा जिल्लाको बजेट व्यवस्थापनको लागि प्रदेश सरकारका कार्यालयहरुमा जाने कार्यक्रम रहेको बताईएको छ । मन्त्री आचार्यले तौलेश्वरनाथ मन्दिर दशर्न गरेर भ्रमण सुरूवात गरेका हुन् । शिव मन्दिर दर्शन लग्तै मन्त्री आचार्य मस्जितमा समेत पुगेका थिए ।
पार्टी कार्यालयमा कार्यकर्ताहरूलाइ सम्बोधन गर्दै मन्त्री आचार्यले भर्खरै आएको बजेटमा धेरै कार्यक्रमहरूलाइ समाबेश गरेको बताएका छन् । बजेटको पुर्णपाठमा त्यो सबै समाबेश भएर आउने बताए । उनले महिला बालबालिका तथा जेष्ठ नागरिक मन्त्रालयबाट बजेटमा उल्लेख हुन छुटेका कामहरू पनि गर्न सकिने बताए । छुटेका योजनाहरूले आफुले समाबेश गर्ने मन्त्री आचार्यले प्रतिबद्धता व्यक्त गरेका छन् । जिल्लाको बिकास आफ्नो पहिलो प्राथमिकता भएको उनले बताए ।
मन्त्री आचार्यलाइ जिल्लामा स्वगता गर्दै पुर्व सांसद तथा केन्द्रिय सदस्य अगठबन्धनको सरकारमा पार्टीको तर्फबाटै लुम्बिनी प्रदेशबाटै संघीय मन्त्रालयमा आचार्यले प्रतिनिधित्व गर्न पाउनु गर्बको बिषय भएको बताए।
उनले महिला बालबालिका तथा जेष्ठ नागरिक मन्त्रालय मार्फत सामाजिक क्षेत्रमा पछाडि परेको जिल्ला कपिलवस्तुको समग्र विकासको लागि ठूलो योगदान पुग्ने बताए । प्रदेश सभा सदस्य सुधाकर पाण्डेयले कपिलवस्तु क्षेत्र नं. २ का जनताहरूको मत उच्च मुल्याकंनको भएको बताए ।