नेपालसँग खेल्ने यूएई ए टिममा युवा खेलाडी समावेश

युएई ए सहित नेपाल, भारत ए र पाकिस्तान ए इमर्जिङ कपको समूह बी मा छन् । नेपालले जुलाई १४ मा पाकिस्तान ए सँग पहिलो खेल खेल्नेछ भने जुलाई १७ मा भारत ए तथा जुलाई १९ मा युएई ए सँग खेल्नेछ ।

जिम्बाव्वेमा सम्पन्न क्रिकेट विश्वकप छनोट खेलेका ५ खेलाडी मात्र युएईको ए टिममा छन् ।

कप्तान नासेरसहित आर्यशं शर्मा सन्चित शर्मा, एथान डि सुजा र मुहम्मद जवादुल्लाहले मात्र इमर्जिङ कपमा निरन्तरता पाएका छन् ।

इमर्जिङ कपमा सहभागि ८ टिम मध्ये पाँच टेष्ट राष्ट्रका ए टोली हुनेछन् भने तीन एसोसिएट राष्ट्रले सिनियर टोली नै खेलाउने पाउनेछ ।

तर युएई र ओमानले केही खेलाडी घाइते भएकोले र अनुभवी खेलाडीलाई रेस्ट दिँदा ए टिम सहभागी गराएको छ भने नेपालले मात्र सिनियर टोली पठाएको छ ।

नेपालले एसिया कपमा भारत र पाकिस्तान जस्ता टिमसँग खेल्ने भएकोले एक्सपोजर र अनुभवका लागि ए टिम नै पठाएको क्यानले जनाएको छ । नेपालले जिम्बाव्वेमा गएको टिममा ५ खेलाडी परिवर्तन गरेको छ ।