गृहपृष्ठ Featured प्रेमीको कुरा काटेको निहुँमा युवतीबीच कुटाकुट !

प्रेमीको कुरा काटेको निहुँमा युवतीबीच कुटाकुट !

विराटनगर ।

प्रेमीको कुरा काटेको निहुँमा सुनसरीको बराहक्षेत्रमा युवतीको एक समूहले अर्को समूहमाथि निर्घात कुटपिट गरेको छ । पाँच जनाको समूहले तीन जना युवतीलाई सप्तकोशीको किनारमा निर्घात कुटपिट गरेको हो । कुटपिटमा संलग्न भएको आरोपमा प्रहरीले बराह क्षेत्र नगरपालिका-९ कि १९ वर्षकी कृति लिम्बुलाई पक्राउ गरेको छ ।

उनलाई अभद्र व्यवहार मुद्दामा अनुसन्धानका लागि हिरासतमा राख्न जिल्ला अदालतबाट अनुमति लिएको सुनसरीका प्रहरी प्रवक्ता डीएसपी राजकुमार राईले जानकारी दिए ।

सुनसरीको बराहक्षेत्र–  ९ को राजाबास (कोशी किनार) मा शुक्रबार कृतिसहित ५ जनाको टोलीले अन्य तीन जना युवतीलाई बोलाएर निर्घात कुटपिट गरेको थियो । कुटपिटको भिडियो सामाजिक सञ्जालमा सार्वजनिक भएको छ ।

कुटपिटको भिडियोमा आफ्नो कुरा किन भनेको भन्दै मुक्का र लात्ती हानेको देखिन्छ । प्रहरीका अनुसार कुटिने र कुटाई खानेहरु चिनजानकै व्यक्ति हुन् ।

सम्बन्धित् समाचार