पाकिस्तानसँगको प्रतिस्पर्धा नेपालीका लागि ठूलो पर्व : कप्तान पौडेल

पाकिस्तान र नेपाली टिममा फरक भनेको अनुभवमात्र रहेको रोहितले बताए । ‘मलाई लाग्छ फरक भनेको अनुभव मात्रै हो । स्किलको आधारमा, ब्याटिङ र बलिङमा दुवै टिम उस्तै हो’ उनले भने ।

आफूहरुले विपक्षी को छ भन्ने नसोची हरेक बलमा राम्रो खेल्ने योजना बनाएको कप्तान रोहितले बताए । ‘हामीले एसिया कपका लागि राम्रो तयारी गर्‍यौं, विशेषत विश्वकप छनोट खेल्मा जिम्बावेमा राम्रो तयारी भयो । हामीले त्यसपछि एसीसी इमर्जिङ टिम्स एसिया कपमा पनि राम्रो तयारी पायौं’, उनले भने, ‘हामीसँग विश्वस्तरीय बलर छन्, हामी हरेक बलमा प्रेजेन्ट भएर खेल्नेछौं ।’