आन्दोलनरत शिक्षकहरू र सरकार आन्तरिक छलफलमा जुटे

दुवै पक्ष आन्तरिक छलफलमा जुटेपछि वार्तालाई सार्थकता दिने गरी अगाडि बढ्ने दुवै पक्षबीच सहमति भएको छ । शिक्षकहरूसँगको छलफलअघि कार्यवाहक प्रधानमन्त्री समेत रहेका रक्षामन्त्री पूर्ण बहादुर खड्का, उपप्रधान तथा गृहमन्त्री नारायणकाजी श्रेष्ठ, कानुनमन्त्री धनराज गुरुङ, शिक्षामन्त्री अशोक राई, सञ्चार तथा सूचना प्रविधि मन्त्री रेखा शर्माले छलफल गरेका थिए । कार्यवाहक प्रधानमन्त्री खड्काले मन्त्रीहरूसँगको छलफलको क्रममा शिक्षकका माग र सम्बोधन गर्न सक्ने विषयबारे कुराकानी गरेका थिए ।

नेपाल शिक्षक महासङ्घको नेतृत्वमा तीन दिनदेखि काठमाडौँमा आन्दोलन भइरहेको छ ।