‘रुपन्देहीको क्रिकेट रंगशाला फागुनसम्ममा तयार हुन्छ’

राष्ट्रिय क्रिकेट टोलीका पूर्वसदस्य शक्ति तिलोत्तमा नगरपालिकास्थित पूर्व दरखसवामा निर्माणधीन सो रंगशालाको ब्राण्ड एम्बासडरसमेत हुन् । नेपाली टोलीका पूर्वस्पिनर शक्तिले अहिले रंगशाला पूर्ण रूपमा तयार भइनसकेको उल्लेख गर्दै फागुनको पहिलो वा दोस्रो हप्तासम्म तयारी हुने बताए । रुपन्देहीमा निजी क्षेत्रको लगानीमा निर्माणाधीन पहिलो अन्तर्राष्ट्रिय क्रिकेट रंगशालामा प्रधानमन्त्री कप पुरुष क्रिकेट प्रतियोगिता या अन्य खेलहरू खेलाउन सकिन्छ कि सकिन्न भन्दै नेपाल क्रिकेट संघ(क्यान) का अध्यक्ष चतुरबहादुर चन्द र क्यानका पूर्वकार्यवहाक सचिव प्रशान्त मल्ललगायतले निरीक्षण गरेका थिए ।

गौचनले भने, ‘मैदानमा सात वटा पिच रहेको छ । सो पिच फागुनबाट प्रतियोगिताका लागि योग्य हुन्छ ।’ उक्त रंगशालामा पेभेलियन, ड्रेसिङ रुम र अन्य रुमहरू निर्माण पनि भइरहेको छ । उक्त रंगशालामा तत्कालका लागि दर्शक सिट ५ हजार क्षमताको बनाउने र अन्य कृत्रिम बस्ने स्थान बनाइँदैछ । पूर्वक्रिकेटर शक्तिले यो मैदानको उद्घाटन प्रतियोगिता राख्ने योजना रहेको बताए । उनले सन् १९९६ को नेपाली राष्ट्रिय क्रिकेट टोली, सन् २०१४ को राष्ट्रिय टोली र केही अन्य टोलीबीच टी–१० श्रृंखला आयोजना गर्ने योजना रहेको बताए ।

हाल रंगशालामा निर्माण गर्ने क्रममा खराब मौसमले केही प्रभावित भइरहेको छ । अहिले मैदानमा घाँस रोप्ने काम भइरहेको छ । सो रंगशालामा माधव पाठकले क्युरेटरको काम गरिरहेका छन् । फागुनबाट राम्रो पिच तयार हुने क्युरेटर पाठकले बताए । ‘केही दिनमा पिचको काम हुनेछ भने आउट फिल्डको काम पनि सुरु हुनेछ । केही स्थानमा भने रोपिएका घाँस काट्ने काम भइरहेको छ ।

घाँस नआएको स्थानमा रोपिन थालिएको रंगशालाको छ,’ क्युरेटर माधव पाठकले भने । रंगशाला करिव पाँच बिघा क्षेत्रफलमा बनिरहेको छ ।